ВАКЦИНА– полиомиелитдан сақланишнинг ягона йўли

Полиомиелит марказий нерв системаси, айниқса, орқа миянинг мотор ҳужайралари зарарланиши билан асосан 5 ёшгача болаларни зарарловчи вирусли ўткир юқумли касалликдир. Бу шол касаллиги деб аталиб, уни ҳатто оддий микроскопда ҳам кўриб бўлмайдиган вируслар чақиради. Касалликнинг яширин даври ўртача 5-12 кун бўлиб, баъзида 35 кунгача давом этиши мумкин.

Полиомиелит ҳозирда жуда кам учрайди, чунки барча болалар унга қарши эмланади. 1905-1916 йиллари Европада полиомиелит эпидемияси кузатилган ва жуда кўп болалар ушбу касалликдан вафот этган ёки умрбод шол бўлиб қолган. Касалликнинг юқиш йўллари ва келтириб чиқарувчи омиллари шахсий гигиена қоидаларига амал қилинмаганда, оғиз орқали ифлос қўл, вирус билан зарарланган сув ва озиқ-овқат маҳсулотлари, мева ва сабзавотлар орқали юқади. Баъзан ҳаво-томчи йўли орқали ҳам юқиши мумкин.

Касаллик аломатлари касалликнинг паралитик бўлмаган шаклида, кўпинча қисқа муддатли иситма, йўтал, томоқда оғриқ бўлиши, кўнгил айниши, қусиш, ич кетиши билан белгиланади. Касаллик аломатлари кузатилганда шифокорга эрта мурожаат қилиш ҳамда унинг тавсиясига кўра, даво муолажаларини олиш керак. Полиомиелит касаллигининг олдини олишда ягона чора касалликка қарши эмлашдир. Миллий эмлаш календарига асосан, полиомиелитга қарши эмлаш боланинг 2, 3, 4 ва 16 ойлигида ва 7 ёшида оилавий поликлиникаларда оғиз орқали юбориладиган полиомиелит вакцинаси билан  эмлаш  ўтказилади. ИПВ–инактивланган полиомиелит вакцинаси билан болалар 4 ойликда  бир маротаба  эмланади.

Республика даволаш-профилактика муассасаларининг эмлаш пунктида жорий йилнинг 20-30 сентябрь кунлари 4-5 ёшдаги болаларни эмлаш кунлари ўтказилди ва ушбу жараёнда бир миллион икки юз минг доза  инактивланган полиомиелит вакцина эмлаш пунктларига эҳтиёжга асосан етказиб берилди.

 

Лола  ЖУЛБЕКОВА,

Ш.Рашидов туман СЭО ва ЖСБ эпидемиология бўлими врачи.

Leave a Reply

Your email address will not be published. Required fields are marked *