ЖИЗЗАХЛИК ТАЭКВОНДОЧИ ҒОЛИБ

Қатар пойтахти Доха шаҳрида таэквондо “WТ” бўйича “Qatar Open” халқаро турнири ўтказилди. Дунёнинг 46 мамлакатидан сараланган 1200 нафарга яқин спортчи иштирок этган ушбу нуфузли турнирда Ўзбекистон терма жамоаси аъзолари 2 та олтин, 1 та кумуш ва 3 та бронза медалларига сазовор бўлишди. Ушбу натижалар орқали вакилларимиз умумжамоа ҳисобида иккинчи ўринни эгалладилар.

Эътиборли жиҳати, мусобақада муносиб ғалаба қозонганлар ичида зоминлик спортчи Ёдгорбек Жўрабоев 87 кг вазн тоифасида барча рақибларидан устун келиб, олтин медални қўлга киритди. Шунингдек, терма жамоамиз аъзоларидан Светлана Саидова мусобақанинг “Энг яхши аёл спортчиси”, қизлар жамоамиз эса “Энг яхши аёллар жамоаси”, номинациясида совриндорликка эришди.

С.ЮСУПОВ.

Leave a Reply

Your email address will not be published. Required fields are marked *