ЁЗГИ ШИФОБАХШ ШАРБАТЛАР

Бугунги кун истеъмолида газли ва рангли ичимликлар кундан-кунга кўпаймоқда. Бироқ уларнинг ҳеч бири юртимизда пишиб етиладиган мевалар шарбатининг табиийлиги, ҳуштамлиги ва шифобахшлиги билан беллаша олмайди. Шу нуқтаи назардан айни ёз фасли бизга туҳфа этаётган шириндан-шакар мевалардан тайёрланаётган шарбатлар ҳақида баъзи маълумотларга эга бўлишингиз фойдадан ҳоли бўлмайди.

ОЛМА шарбати — витаминларга тўла суюқлик ҳисобланиб, таркибида суякларни мустаҳкамловчи моддалар мавжуд. Холестеринни камайтириб, тана вазнини меъёрлаштиради. 

ШАФТОЛИ шарбати — танадаги ортиқча суюқликни, токсинларни ҳайдаб, кишига жимоний роҳат бағишлайди ва юракни бақувват қилади.

ТАРВУЗ шарбати — буйракларни ювади, шишларни йўқотади, томирларни мустаҳкамлайди, жисмоний тетиклик бағишлайди.

ҚОВУН шарбати — буйрак ва ўт қопидаги тошларни тушишига кўмаклашади. Гемоглобинни кўтаради. Бироқ, бошқа маҳсулотлар билан аралаш истеъмол қилмаслик тавсия этилади.

УЗУМ шарбати — жигарга мадад бўлиб, ўпкани тозаловчи суюқликдир. Шамоллашдан ҳимоялайди, камқонлик ва камқувватликни даволашда ёрдам беради. Табиблар ўт қопидаги тошларни туширишда ҳам фойдаланишган.

НОК шарбати — иммунитетни кўтаради, депрессияни енгиллаштиради, юрак-қон томир тизимини фаоллаштиради.

АПЕЛСИН шарбати — “С” витамини етишмаганда, кўз хиралашганда, радиоактив нурланиш ошганда ичиш тавсия этилади. У кайфиятни кўтариш хусусиятига ҳам эга.

КИВИ шарбати — холестерин миқдорини камайтиради, пешоб ҳайдайди, бўғимларга қувват бағишлайди.

ЛИМОН шарбати — танадан заҳарларни чиқариб ташлайди. Ғайратни оширади, жигарни тозалайди, иммунитетни мустаҳкамлаб, асаб зўриқишини олдини олади.

Шунингдек, мева ва сабзавотлар ўз рангига кўра организмда турлича вазифаларни бажаради:

Оқ маҳсулотлар — иммунитетни мустаҳкамлайди.

Қизил маҳсулотлар — юрак-қон томир тизимига мадад бўлади.

Оловранг маҳсулотлар — саратонга қарши профилактика.

Яшил маҳсулотлар — организмни токсинлардан тозалайди.

Сариқ маҳсулотлар — тери ҳолатини яхшилайди, руҳиятни тиклайди.

Сиёҳранг маҳсулотлар — турли ўсмаларнинг пайдо бўлишига тўсқинлик қилади.

 

Холида АБДУРАУПОВА,

РШТЁИМ Жиззах филиалининг

Гинекология бўлими муолажа ҳамшираси.      

Leave a Reply

Your email address will not be published. Required fields are marked *