ВЕЛОСПОРТЧИЛАРИМИЗ ХАЛҚАРО ТУРНИР ҒОЛИБИ 

Филиппиннинг Тагайтай шаҳрида велоспортнинг трек йўналиши бўйича Осиё чемпионати баҳслари бўлиб ўтди. 20 та мамлакатнинг энг маҳоратли велоспортчилари иштирок этган ушбу мусобақада терма жамоамиз аъзолари турли дастурлар бўйича юқори натижалар қайд этиб, ғолиб ва совриндорлар сафидан жой олдилар. Улар орасида жиззахлик спортчиларнинг ҳам борлиги қувонарли.

Хусусан, ёшлар ўртасидаги “scratch” дастуридан ўрин олган беллашувларда Фориш тумани фарзанди Чингиз Чўлиев олтин медални қўлга киритди. 7,5 километр масофага мўлжалланган пойгада вакилимиз Жанубий Корея, Япония ҳамда Хитой вакилларини ортда қолдириб, маррага биринчи бўлиб етиб келди.

Мусобақанинг “Point race” (очко тўплаш) дастурида эса Шароф Рашидов туманининг иқтидорли спортчиси Гулҳаё Сатторова ёшлар ўртасидаги баҳслар якунига кўра, бронза медалига эга чиқди. У 20 километрлик пойгада марра чизиғини учинчи бўлиб кесиб ўтди.

Шунингдек, Гулҳаёнинг қитъа чемпионатида 4 километрга мўлжалланган “Team pursuit” жамоавий йўналишида тарихий бронза медалига сазовор бўлгани ҳам алоҳида аҳамиятга моликдир.

Юсуфбек САЙДАЛИЕВ.

Leave a Reply

Your email address will not be published. Required fields are marked *